مكنتش اعرف انى بحبك اوى كده.. يا مصر

حلوة يا بلدى، لو سألتك انت مصرى، لو كنا بنحبها.. الخ

.. عمرى ما كنت اتخيل ان الاغانى دى هييجى عليا يوم من الايام و اسمعها ليل نهار

من كام شهر بالظبط لو كان اى حد سألنى : انتى بتحبى مصر؟؟

كان ممكن اوى ارد و اقول : و هى مصر فيها حاجة تتحب ؟؟

.. لا ده مصر فيها حاجات كتير تتحب.. كتير اوى كمان

هتتقولولى و ايه الفرق ما بين دلوقتى و مين اربع شهور؟

الفرق الكبير اوى انى سبت مصر.. عشان شوية ظروف كده جيت هنا على قطر.. و فعلا عرفت قد ايه مصر كانت نعمة كبيرة اوى انا مكنتش حاسه بيها

لو حد سألنى دلوقتى هقلله : ايوة بحبها

بحبها عشان هى بلدى

بحبها رغم كل اللى فيها

! بحبها عشان هى مصر

.. السبعات المقدسة فى كل البلوجز

سبع حاجات نفسى اعملها

ارجع مصر

اتعلم السواقة

ادهن اوضتى اسود

اكون شخصية مؤثرة فى اللى حواليا

اعيش فى حته عالبحر

احب و اتحب بجد

ارضى ربنا فى كل حاجة بعملها

سبع حاجات مبعرفش اعملها

انام بدرى

اقعد فى اوضة ضلمة لوحدى

اكره حد

اجامل

اشرب لبن

اعيش من غير نت

امشى على جدول المذاكرة

سبع حاجات بقلها على طول

مش عارفه.. هو كده و خلاص

انتى غبية؟؟ << بقلها لما حد يعمل تصرف عبيط قدامى

يا عم طنش تعيش

اخخخ.. نسيت

طز

البتاع ده جاااامد << اى حاجة بتعجبنى

السلام عليكم

مش عارفة انا كنت مترددة اوى قبل ما اعمل البلوج ده.. انا هعمله ليه ؟ طب هعرف اكتب فيه حاجة؟ بس قلت اعمله و خلاص بدل الورق المرمى فى كل حته فى اوضتى.. يا رب يكون كلامى خفيف عليكو .. و يعجببكوا البلوج ده..